HINDI pa rin naalis ang takot ni Malia kaya nakiusap siya kay Andrew na samahan siya nito hanggang umaga. Pumayag naman ito. Pagkatapos ng hapunan ay tumambay sila sa lobby at nanood ng movie. May tira pang snack na dala ni Laiza at iyon ang pinapak nila. Mga corn chips lang naman ito.
Iilan pa lang sa movie at teleserye ni Andrew ang napanood niya pero meron siyang collections ng mga ito. At sa gabing iyon ay pinanood nila ang isa sa action thriller movie na pinagbibidahan ni Andrew. Dito nagsimula ang pag-boom ng career nito.
“Ang corny ng ibang scene,” amuse na sabi ni Andrew. Inakbayan siya nito.
“Bakit naman? Ang astig kaya ng mga scene.”
“Hindi ko gusto ang ibang acting ko rito.”
“Not bad. Nagsisimula ka pa lang naman d’yan. Kumpara naman sa ibang movies mo, sobrang galing mo. I
