NANLUMO si Andrew nang sabihin ni Direk Gabby na kailangan nilang mag-overtime at doon na sila matutulog sa hotel. Pero pinayagan naman siya nitong lumabas saglit upang bisitahin ang mommy niya.
Huling bisita na siyang tinanggap ng ospital dahil magsasara na ito for outsider. Talagang hinintay siya ng mommy niya bago ito kumain. Ayon sa caregiver nito, sumusunod na rin ang mommy niya sa doktor.
“Kailan tayo mamamasyal, anak?” tanong ng ginang nang kumakain na ito.
Lumuklok siya sa silyang katabi ng kama nito. “Wala pa pong update ang doktor n’yo kung kailan kayo puwedeng lalabas. Ang sabi niya, hanggat hindi naiibsan ang delikadong sentomas ng sakit n’yo, hindi niya kayo pauuwiin.”
Napasimangot ito. “Kailan naman mawawala ang sentomas?”
“Hindi ko rin alam. Habang nagpapagaling kayo,
