HINDI namalayan ni Andrew kung anong oras siya nakatulog pagkatapos makatalik si Malia sa second round. He just felt exhausted and fell to sleep. At nang magising siya ay nasa banyo na si Malia. Napabalikwas siya nang makita ang oras sa kaniyang cellphone.
“s**t! Late na ako!” bulalas niya.
May dalawang missed calls na sa kaniya si Direk Gabby. Mag-aalmusal na naman siya ng sermon nito. Nagmadali siyang nagbihis. Pagkuwan ay kinatok niya sa banyo si Malia.
“Babe! Aalis na ako!” paalam niya rito.
“Wait! Hindi ka ba mag-aalmusal? Nakapag-order na ako ng pagkain!” pasigaw rin nitong tugon. Maingay kasi ang shower.
“Sa restaurant na ako mag-aalmusal! Bye!”
“Okay.”
Isinuot na niya ang kaniyang jacket at ball cap, sunglasses saka tumakbo palabas ng silid. Pagdating sa venue ay dumampot na
