BUSY sa rehearsal si Andrew nang sumulpot sa tabi niya si Tyron. Nakauwi na siya sa bahay at inulit ang mga linyang nakalimutan niya habang nasa loob ng banyo. Weird pero mabilis siyang makakabisa ng linya kapag nasa loob ng banyo.
“Balitaan mo ako,” sabi niya sa kaibigan.
“Pinagtutulungan ka nina Aldrin at Megan,” batid nito.
Marahas siyang humarap sa kaibigan. “Ano?”
“Kagabi, nagkita sila sa isang events sa hotel. Napag-usapan ka nila.”
“Ano naman ang plano nila?”
“Gusto ka nilang gipitin lalo na sa trabaho.”
Hindi na siya nagtaka bakit biglang na-cancel ang ibang upcoming projects niya. Nasabi na sa kaniya ng manager ang ibang dahilan.
“Mga hayop sila!” gigil niyang sabi.
“Kailangan mo nang magdesisyon, Andrew. Hindi titigil si Megan hanggat hindi nakukuha ang gusto niya. Ganoo
