PUMAYAG naman si Malia na umuwi si Andrew. Umaga naman kaya hindi ito matatakot. Naipon na ang labahin niya kaya dinala niya sa laundry shop. Kailangan na rin niyang mag-empake dahil sa bahay ni Malia siya matutulog bago ang alis nila papuntang Tagaytay kinabukasan niyon.
Nanunuyot na ang halaman kaya diniligan muna niya. Umuuwi naman doon si Marga at naglilinis pero nitong nagdaang araw ay hindi nito maiwan ang mommy niya. Lumabas pa siya ng gate hila-hila ang hose ng tubig.
Kilala na siya ng mga kapitbahay nila roon at immune na ang mga ito sa kaniya maliban sa malalayong bahay ng village. May ibang artista rin namang nakatira roon.
Nalilibang siya sa pagdidilig nang may humintong itim na kotse sa tapat ng gate. Kaagad niya itong nakilala. Si Aldrin ito. Kaagad itong bumaba at lumapi
