HINDI makumbinsi ni Andrew ang sarili kung si Malia ba talaga ang nakita niya na nanonood ng show nila. Pero kilala niya ang kasama niyong babae, si Laiza na kaibigan nito noong college. O baka nagmalikmata lang siya dahil noong isang gabi ay napananigipan niya ang dalaga.
Alas dos ng madaling araw na siyang nakauwi matapos ang fashion show. Dalawang kompanya kasi ang may fashion events nang gabing iyon kaya wala siyang pahinga. Pagpasok niya ng bahay ay nadatnan niya ang kaniyang ama na nakaupo sa couch sa may sala.
“Bakit gising pa ho kayo?” tanong niya rito.
“I can’t sleep,” tugon nito, may tinutunggang alak.
Nahahalata niya na napapadalas na ang pag-inom ng alak ng daddy niya. Nagsimula iyon noong nalugi ang movie na nai-produce ng partner nito at ito ang director. Madalas din ang
