"Come in," saad ni Lucas sa malumanay na tinig nang makarinig siya ng ilang mahihinang katok mula sa labas ng study room sa kanilang bahay.
Araw ng Linggo at dahil walang pasok sa Olvidares Manufacturing Corporation ay nanatili lamang sa kanilang bahay si Lucas at mas piniling isubsob ang kanyang sarili sa marami pang trabaho.
Isang bagay iyon na bago sa kanya. Noon, sa tuwing ganoong araw ay hindi siya napipirmi sa kanilang bahay. Laman siya ng night life at madalas ay kasama ang kanyang mga kaibigan.
Nagbago ang lahat nang hilingin ng kanyang ama na magsimula na siyang mamasukan sa kanilang kompanya. Mas nagtuloy-tuloy pa ang pagdalang ng paglabas niya nang maaksidente ang kanyang ama at maikasal nga siya kay Janel.
And everything seemed so dark on him since he last saw her. Hindi na
