Chapter Twenty Six
MACKY
MULA noong gabing may anino akong nakita sa labas ng bahay niya ay palagi ko na siyang sinasamahang matulog. Mahirap nang pabayaan siyang mag-isang natutulog sa gabi. OO, pulis siya pero paano kung higit pa sa isa ang sumubok na looban ang bahay niya, mahirap magtiwala dahil hindi natin alam ang nasa isip ng mga masasamang loob.
Kinabukasan din nito ay nagkabit na ako ng CCTV sa loob at labas ng bahay niya. Ikinabit ko ito sa bumbilya sa labas, ganon kasi ang nauuso ngayon para hindi halata. Konektado ang mga iyon sa cellphone naming dalawa kaya’t kahit sino sa amin ay maaaring makamonitor nito.
ARAW ng Sabado, birthday niya. Nauna akong nagising mga bandang alas cinco ng umaga. Akap na akap siya sa akin sa ilalim ng kumot. Maginaw ang madaling araw ng Oktu
