DEINA
"Kabado?" tanong sa akin ni Kristoffer habang nasa loob kami ng sasakyan. Akala ko hindi niya ako papansinin hanggang sa makarating kami sa kanilang bahay ngunit mukhang katulad ko, hindi siya pinapatahimik ng nakakabinging katahimikan.
"Hindi. Bakit ako nenerbyusin?" sagot ko tapos binato ko rin siya ng tanong. "You should be..." nakangisi niyang tugon. Tumaas ang isa kong kilay dahil napakayabang ng tono ng pananalita niya. Pinigilan ko na lang ang sarili kong magsalita dahil alam kong wala akong mapapala kung hindi stress lang.
Lumipas ang ilang segundong katahimikan, muli ko na namang narinig ang kaniyang boses. "Wala na bang pag-asa sa iyo si Yuri?"
"Pake mo ba?" mabilis kong tugon sabay irap pero hindi ako nakatingin sa kaniya. Nakatuon ang atensyon ko sa labas, nakasanday
