DEINA
Pinigilan ko...
Pinigilan kong masira ang mood ko't magpalamon sa galit na kanina pa gustong kumawala. Ilang minuto ang aking tiniis bago tuluyang sumabog sa apat na sulok ng silid ang masigabong palakpakan ng mga kaklase ko. Napahanga sila sa ginawa naming pag-arte, aba dapat lang!
Ngumiti ako, sumabay sa agos ng kasiyahan na nadarama ng aking grupo. Pero sa likod ng aking ngiti may nagkukubling inis at galit, kanina pa nais na kumawala, pinupurol ang lubid ng aking pasensya.
"Congratulations! Ayan! Guys, mukhang tama ang sinabi ni Ms. Reyes kanina, ano. Na lalampasan nila ang expectation ko sa kanila dahil nagtagumpay na man sila ro'n. Alam kong pati kayo napamangha sa acting ng bawat isa. Lalo na sa kanilang mga bida na sina Yuri Maxwell, Deina Autumn at syempre ang kanilang L
