"Ano ba ang nangyari sa inyong mag ina kagabi ah? Bakit parang takot na takot at hindi ka na lumabas pa ng silid niyo?" Usisa sa kanya ni Lucy nang umagang magising siya. Nauna siyang nagising kay Arkin, masarap pa ang tulog ng anak nang lumabas siya ng silid, kaya naman hinayaan na muna niya itong matulog pa. Weekend naman kasi ngayon, kaya wala siyang pasok at hindi kailangan pumasok ni Arkin sa child care.
Dahil na rin sa trabaho niya wala siyag mapag iwanan sa anak, kaya naman sa child care niya ito iniiwan. Bata palang si Arkin nasa pangangalaga na ito ng child care, dahil kailangan niyang magtrabaho para sa kanilang mag ina. May trabaho din si Lucy kaya hindi naman niya pwedeng pabantayan anak sa kaibigan. Tumutulong sa kanya si Lucy sa pag-aalaga kay Arkin kapag wala itong trabaho
