HINDI rin nagtagal sa loob ng bahay si Elena matapos ng dinner kasama ang pamilya ni Sire. Pakiramdam niya ay napakasikip ng mundo niya sa loob.
Hindi pa siya nagtatagal sa may hardin ng makita naman niya ang bulto ni Sire na hinahayon ang kotse nito na nakagarahe hindi kalayuan sa kinaroroonan niya.
Malapit na ito sa sasakyan nito ng tila may sariling isip ang kanyang mga paa na lapitan ito. Umaasa siya na makikinig ito sa kanya at maaayos nila ang lahat.
"S-Sire."
Napahinto ito sa paglalakad at marahang bumaling sa kinaroroonan niya. Napatiim-bagang ito ng makita siya.
"What?" Iritado pa nitong tanong.
Humakbang siya paatras ng isang beses. Bigla ang panlalambot ng mga tuhod niya ng makita ang reaksiyong iyon ni Sire. Galit pa rin ito. Sino nga ba namang matutuwa sa ginawa niyang k
