Araw ng sabado bumisita ang mga kaibigan ni Calvin sa bahay nila, kasama si Cherry. Matagal na niyang alam na wala na si Cherry sa RTV station pero hindi niya alam na magkaibigan pa rin ito at ang asawa niya. Ganoon pa man kahit ayaw niyang tanggapin si Cherry sa bahay nila ni Calvin ay wala siyang nagawa dahil kasama rin nito ang iba pang kaibigan ng asawa niya. Beside ayaw muna niyang magka issue sila ng asawa ngayon. Ramdam pa rin kasi niya ang galit sa kanya ng asawa, kahit paulit-ulit na siyang nagpaliwanag sa asawa at humingi na rin ng tawad kahit alam niya sa sarili na wala naman talaga siyang kasalanan.
"Nasa pool area sila, ihahatid na kita roon," sabi niya sa asawa nang makababa na sila ng hagdan. Hanggang ngayon kasi hindi pa rin kayang maglakad ng asawa na mag isa, kailangan p
