Pagpasok sa loob ng bahay nila ni Calvin magana itong sinalubong ng kanyang mga magulang, lalo na ang Papa niya, bagay na pinagtataka niya. Sa pagkakaalam niya galit ang Papa Gael niya kay Calvin sa ginawa nitong pagpapahiya sa kanya. Pero, bakit ngayon kung makipagkamay ang Papa niya kay Calvin ay parang close na close ang dalawa, may patapik-tapik pa ang Papa niya sa balikat ni Calvin. Parang hindi nga siya napansin ng mga magulang niya dahil na kay Calvin ang buong atensyon ng mga ito. Napakalapad naman ng ngiti sa labi ni Calvin. Napasimangot siya, dahil naiinis siya rito sa ginawa nitong pag take advantage habang tulog siya. Humanda ito mamaya pag silang dalawa na lang, dahil pagsasabihan niya ito.
Sa komedor muna sila dinala para makakain na, mahaba din ang biyahe nila kaya gutom na
