GALIT NA GALIT talaga si Andy na pinagsusuntok si Shone.
"Mmmm!! Mmmmm!" mabangis nitong naisasambit bawat suntok nito sa kapwa binata. At kapag akmang matutumba si Shone ay hinihila nito ito sa kwelyo.
"Andy, tama naaaaa!!" malakas na malakas na sigaw ni Yolly na sumingit. Tinulak niya sa dibdib ang asawa. Kung saan siya humugot ng lakas ay hindi niya alam. Muntik pa siyang masuntok ni Andy.
"Si Shone, oh!" Sa wakas ay nakilala na ng mga taong usyosero ang binatang artista kaya prinotektahan na nila ito.
Nagkatitigan naman nang masama ang mag-asawa at parehas tumataas-baba ang mga dibdib nila. Parehas pinipigilan ang mas matinding galit sa isa't isa. Parehas ding nangingilid ang mga luha nila.
"Hindi ka pa rin nagbago!" pagkuwa'y mahina pero madiin na wika ni Yolly.
"At niloloko mo
