"MOM, Yaya, wala pa ba kayong naiisip na pwede kong dalhin sa mga kambal? Last subject na naman ito?" Kausap ni Andy si Madam Angie sa cellphone. Nakailang tawag na siya at nababahala na siya dahil gusto niya sanang dalawin ulit ang mga anak niya at kailangan niya ng alibi para hindi siya masita ni Yolly. Unfortunately, wala pa ring masabi ang mommy niya. Siya man kasi ay walang maisip na paraan.
"Anak wala na talaga, eh."
"Si Yaya Chadeng, baka may maisip siya?"
"Eh, 'di sana sinabi na niya sa'kin."
Napalatak siya. At tumigil muna siya pagsasalita nang makita ang asawa na paparating kasama si Diane. Kanya namang ikinatutuwa iyon dahil walang ibang nagiging kasama si Yolly kundi si Diane lang. Nagpapatunay na wala siyang dapat ikabahala sa asawa. Kung bakit ba kasi ngayon lang niya na-
