NANG matapos ni Saddie ang pinapagawa sa kanya ni McKenzie ay agad din siyang pumunta sa opisina nito, kumatok siya sa pinto ng opisina dala ang mga papel para sa binata.
“Come in,” wika ng binata mula sa loob para makapasok siya.
Hinawakan ni Saddie ang doorknob bago niya kinabig papasok ang pinto at tumuloy doon. Abala ang binata sa ginagawa at pagtipa sa keyboard kaya lumapit na lamang siya rito. “Ito na pala ang mga kailangan mo, sir,” hindi niya pa rin maiwasang hindi mailang sa binata lalo na’t alam na nitong may relasyon sila ng kapatid nitong si Maven.
Nilapag niya sa lamesa ng binata saka lang siya tinapunan ng tingin nito kaya binigyan niya ito ng ngiti, ngumiti rin ito pabalik sa kanya na para bang wala lang ang lahat kanina. “Kompleto na yan,” dagdag pa ng dalaga. “May kail
