HINDI akalain ni Saddie na tatagal siya ng halos dalawang linggo sa Casa Ildefonso kasama ang amo niya at magpanggap na kasintahan nitong namatay, hindi niya akalain na magtatagal siya sa ganu'ng set-up at halos nakalimutan niyang lahat ng ito'y pagpapangap.
Maaliwalas ang panahon at katulad ng dati sa araw na kasama niya ang binata mas lalo niyang natututunan at mas lalo siyang napapalapit sa binata. Nangingibabaw ang halimuyak ng mga hinog na ubas sa paligid, nasa gitna sila ng taniman kung saan tinuturuan niya si Maven na gumamit ng baston nito, laking pasalamat niya ay napapayag niya itong sumubok.
Nong isang araw ay tinuruan niya itong gumamit ng kutsara at tinidor para kumain ng mag-isa kahit bulag, habang tumatagal ay nakakabisado na ng binata ang kilos niya kahit pa sagabal sa
