NAKATAYO lang siya roon at nakatitig sa binata. Naikuyom niya ang kanyang kamao sa magkabilang gilid, hindi niya maintindihan ang kanyang sarili kung bakit nakakaramdam siya ng lungkot, inis at kung ano-anong negatibong emosyon sa pagkikita nila ni Maven.
“Saddie…” pagtawag ni Kristen sa kanyang boses.
Lumingon siya sa kasama saka ngumiti at bumalik sa realidad. “What?” parang gusto na niyang umalis lumayo sa mga ito. Pansin din niya ang pagkakatitig ni Maven sa kanya kaya mas lalo siyang naiilang.
“Gusto mo bang mag-join mamaya pagkatapos ng EXPO punta sana kami sa bagong open na bar ng boyfriend ko, sasama sila Sol and her boyfriend para naman magkausap-usap naman---”
Hindi na niya pinatapos pa si Kristen. “Busy kasi ako kaya next time na lang, pwede ba akong mag-excuse sandali?”
“O
