NAKATULOG na si Christopher nang maisipan nilang umuwi, katabi pa rin ni Saddie ang bata habang nakahiga ito sa hita niya. Tahimik lang ang dalawa at halata ring pagod sila Maven at Saddie habang binabantayan ang bata.
“Wala na ang mama ni Christopher,” biglang wika ni Maven habang nagmamaneho.
Napasulyap si Saddie kay Maven, hinihintay ang susunod na sasabihin ni Maven kaya sumulyap kay Christopher at sinuklay-suklay ang buhok ng bata. Napaisip siya kaya kung bakit sinasabihan siyang siya na lang ang ina nito ng ilang beses, halata sa bata na nangangailangan ito ng pangangalaga ng ina, mukhang nakikita na ni Saddie kung anong merong pamilya ang bata.
Bigla rin niyang naalala ang sarili, paano niya kaya kinaya na hindi sila kompletong pamilya? Lumaki siyang kulang ng pangangalaga ng am
