"Hindi mo naman ginusto ang nangyari sa inyo, biktima lang kayo sa kawalang-hiyaan ni Juaquin. Balang araw ay makakalimutan mo rin ang lahat-lahat. Nandito ako at tutulungan kita hanggang sa magiging normal ang buhay mo," madamdaming pahayag ng kaniyang ama.
"Salamat, Pa." At nagpunas ito ng kaniyang mga luha, na para bang isa itong bata.
"Nandiyan pala sa baba ang aking tauhan, pinapapunta ko na lang dito. Upang kunin ang mga sample natin para sa DNA test. Okay lang ba sa iyo kung hihingi ako ng ilang pirasong hibla ng buhok mo?"
"Okay lang, Pa."
Bumunot siya ng limang pirasong hibla ng kaniyang buhok at inilagay niya ito sa loob ng plastic bag. At muling inabot sa kaniyang ama.
"Salamat nito, iha. Sige na, magpahinga ka na ulit. Pasensiya na kung naistorbo kita."
"Okay lang po,
