Biglang lumakas ang pintig ng kaniyang puso nang matitigan niya ang mga mata nito. Halos hindi siya makapagsalita dahil nauunahan siya ng kaniyang nerbiyos.
"Ikaw ba ang naghahanap sa akin?" tanong nito at nakatitig sa kaniyang mga mata.
Tumango-tango siya at dahan-dahan niyang inabot ang hawak niyang birth certificate.
"Ano ito?" Sabay basa nito.
"Marcila?!" Biglang sambit niya sa pangalan ng kaniyang dating kasintahan. "MARELLE DELA BUINTE?!" dagdag pa nito at muling tumingin sa kaniyang mga mata.
"Oo, ako si Marelle. Anak ni Marcila." garalgal niyang sabi.
"Halika! Halika! Dito tayo sa loob."
Inalalayan siya nito at pumunta sila sa loob ng mansyon.
"Maupo ka, iha."
Umiikot ang mga mata ni Niq, at tinignan ang kabuuan ng loob. Napahanga siya, dahil puro magagarang ang mga
