"Demi, kanina ka pa ba diyan?" maang na tanong dito.
"Hindi naman, sorry mukhang nagambala ko kayo," anito sabay tingin nito sa kaniyang Papa. Kitang nag-iwas ang tingin ng ama rito.
"Ah—eh, may pinag-uusapan lang kami ni Papa. Gutom ka na ba? Halika, pinagluto kita ng paborito mo?" aniya rito. Pasimpleng tinignan ang ama at kita ang mapanuri nitong titig sa kaniya. Batid na tinitignan nito kung tunay pa ang ngiting binibigay kay Demi.
Sa totoo lang ay ngayon niya lang nararamdaman ang awkwardness sa kaniyang dibdib. Masyado yatang nagulo ni Wynn ang kaniyang isipan dahil parang gusto niyang umiwas sa mga hawak ni Demi sa kaniya.
Nang hawakan siya nito sa baywang papunta sa kusina nila ay bahagya siyang napapitlag. "Are you okay?" tanong nito na tila ramdam ang kaniyang ginawa.
"Oo n
