Kitang kumunot ang noo ni Althea habang nakamasid sa kaniya at muling nabaling sa lalaki ang pansin nito. Kita pa ang bahagyang paghipo ng lalaki sa tiyan nito na mas lalong kinangitngit ng kalooban niya. "Sh*t!" inis na turan sa kawalan sabay bayo sa kanyang manibela. "No! Althea, alam kong anak ko ang pinagbubuntis mo," aniya pa saka mabilis na pinausad ang sasakyan niya. Baka kasi kung ano pa ang makita kung nagtagal siya doon.
Nakapasok na sila ni Demi nang pasimpleng silipin ni Althea ang labas. Nakahinga siya ng maluwag nang makitang wala na roon si Wynn. Kahit nasasabik ang puso rito pero kailangan niyang pigilan ang sarili.
"Hey, sweetheart, ayos ka lang ba?" untag ni Demi sa kaniya.
"Ha?! Hmmm! Oo naman, sweetheart. Musta nga pala ang lakad mo?" tanong upang mabaling ang pans
