VRENDA
"Diyos ko, Vrenda! Totoo nga!" tili ng isang babaeng dinatnan namin ni Marco sa isang malaking bahay. Kagaya ko ay buntis din ito pero sa tingin ko ay malapit na siyang manganak. Pagkababa pa lamang namin ng kotse ay sinalubong na kami nito kasunod ang isang lalaking tinawag ni Marco na August. Dahil sa tingin ko ay ito ang sinasabi nila na best friend ko, nginitian ko siya. Pagkuwa'y niyakap niya ako at tila naluluha ang mga mata. Ramdam ko na mabait ito kaya gumanti ako ng yakap sa kanya.
"Welcome back, Vrenda. Nang tawagan kami ni Marco at sabihing nakita ka na niya, tuwang-tuwa itong honey ko at agad agad ay gustong lumuwas para puntahan ka," sabi ng nagngangalang August. Katulad ng babae ay nakangiti rin ito sa akin.
"Kasi naman, tuwang-tuwa ako na nakita ka na rin sa waka
