APAT NA ORAS na ang nakalipas mula nang makaalis ang tropa ng emperador. At nang pumunta si prinsesa Seahey sa naturang lugar upang hatiran sana ng pagkain ang emperador. Nagtataka siya dahil sobra ng tahimik at walang katao-tao kahit isa. Nabitawan niya ang hawak na trey at patakbo niyang tinungo ang tolda ng emperador.
"Amarpal… Amarpal… Amarpal!" Napaiyak siya nang matantong wala na ang emperador.
Dali-dali siyang bumalik sa palasyo at kumuha ng mga damit at ginto. Umalis ito na walang paalam sa mga magulang.
PAGKALIPAS ng dalawa at kalahating araw ay dumating sila sa East Mountain Clan. Tulog na ang emperatris ng mga oras na iyon dahil pasado alas-nuwebe na sila nakapasok sa siyudad. Dahan-dahan na binuksan ng emperador ang pinto ng kanilang kuwarto upang hindi magising ang asawa
