Mahigit isang buwan ang nakalipas, pagkatapos ng reception sa kasal nina Prinsipe Dronno at Kaira ay hinatid sila ng mga magulang at ng kanilang mga kaibigan sa spaceship na nakikita ngayon ng mga ito nang inalis ni Ublli ang cloaking mode. Nakalapag lang naman ang sasakyang pangkalawakan sa may malaking lawn ng mansion nila.
Suot pa rin nila ang kanilang damit pangkasal—puting bridal gown ni Kaira na may mahabang train, off-shoulder na may sweetheart neckline at kumikinang sa diamanteng nakakalat sa kabuuan nito, samantalang nakasuot ng Barong Tagalog ang asawang alien na pinaresan ng itim na slacks. Napahanga ang babae sa kisig ng prinsipeng alien. Wala na siyang mahihiling pa ngayon at pakiramdam niya ay wala na namang mapaglalagyan ng saya sa puso niya.
“Babalik kayo agad, ha? Huwag
