HAPPY
“K-KAYA mo lang ba ako gusto dahil nasa sa’yo ang puso ni Jeffrey?”
Hanggang ngayon, sa tuwing naalala ko iyon, hindi ko pa rin alam kung bakit ko iyon naitanong kay Ray. Ni hindi ko nga alam kung posible ba iyon. Kung iyon ba ang dahilan kung bakit sa unang pagkikita pa lang namin ay may kakaibang naramdaman na agad ako sa kaniya. Kung bakit parati akong nakakaramdam ng pamilyaridad sa tuwing magkasama kaming dalawa. Pati na rin ang pagtawag niya sa sa akin na ‘Kring’ noon, hindi ko rin alam kung paano iyon nangyari.
Natatakot pa akong magtanong kay Ray dahil nangibabaw pa rin ang galit ko sa kaniya dahil sa pagsisinungaling niya.
Isang linggo na rin simula nang matuklasan ko ang buong katotohanan. Tinulungan naman ako ni Ray sa pagsasabi nang totoo kay Kaycee tungkol sa kaniyan
