HAPPY
HINDI ko alam kung paano ako nakarating dito sa gate ng bahay ni Jestonie. Lutang ako nang umalis sa opisina ni Miss Jass, hanggang ngayon ay lutang pa rin ako. Parang hindi ko makapaniwalaan na ganito kabilis ang naging pagkikita naming muli ni Ray. Kahit ang mga nangyari kanina at ang naging desisyon ko, hanggang ngayon ay hindi ko pa rin maintindihan kung paano ko iyon nagawa.
Sa halip na bumusina para may magbukas ng gate at makapasok na ako sa bakuran ng bahay ni Jestoni, sumandal muna ako sa backrest at saka pumikit. Gusto kong sariwain ang mga nangyari kanina sa opisina ni Miss Jass para maintindihan ko ang aking sarili kung bakit nga ba ganoon ang naging desisyon ko.
“Bakit nga ba ayaw mong maging CEO’s secretary?” muling tanong sa akin ni Ray dahil hindi ko siya sinagot s
