MARTES ng gabi...
May isang oras nang naghihintay si Zarina kay Kenji sa garahe ng ospital pero hindi pa rin ito dumarating. Hindi man lang ito tumawag para sabihing male-late ito o kaya'y hindi muna siya masusundo.
Habang nakatayo siya sa gilid ng drive way ng ospital ay napansin niya ang matandang babae na handang tatawid sa kalsada. May tungkod ito at mahabang itim na bestida ang suot at may itim na belo sa ulo. Pamilyar sa kanya ang matanda. Nawindang siya nang maaalala, na iyon ang matandang nanghula sa kanya noon sa kombento.
Naudyok siyang lapitan ang matanda ngunit tumawid na ito ng kalsada. Hindi niya namalayan ang rumaragasang kotse na papalapit sa kanya. Narinig na lang niya ang nakakabingi sa lakas na busina. Napapikit na lamang siya nang matamaan ng ilaw ng sasakyan ang muk
