Kinakabahan siya sa sasabihin nito lalo na at napakaseryoso ng mukha nito. Tinignan pa siya nito mula ulo hanggang paa. Doon ay mas lalo pa siyang natakot na baka may nangyaring masama sa mag-ina niya.
Lalo pa at isa-isa rin silang tinignan nito at huli ay sa anak nilang si Grace.
'Diyos ko huwag naman,' usal sa isip niya.
Tila wala siya sa sariling nasambit na sana huwag namang mawala ang isa sa kanila.
"Huwag naman, Lord. Please!" sambit kasunod ng pagpikit ng mga mata.
"They're fine. Good thing naitakbo niyo agad siya. May stain siya pero nagbawas lang siya. Hindi siya nakunan. Masyado lang siyang tense kaya nahimatay siya," dinig na wika ng doktora kaya mabilis siyang nagdilat ng mata.
Sa pagdilat ay nakita nang nakangiti ang kanina ay hindi maipintang mukha ng doktora.
"Talaga
