Napakunot-noo na lamang si Fiona at eksaheradang napatawa.
"No! No! No! Hindi mangyayari iyon," mabilis namang salag.
"Huwag ka nang maraming kuda. Dali, bilisan na natin at baka mapanis ang surpresa," wika sabay tutop ng bibig. Hindi niya dapat mabuking na may surpresang hinanda si Grae dito.
'Naku, Fiona. Chismosa ka talaga!' sermon sa sarili.
"Anong surpresa?" mahinang tanong naman ni Mia.
"Surpresa? Wala akong sinabing ganiyan. Sabi ko, mag-Baguio naman kayong mag-ina. Punta tayo sa La Presa. Ang ganda doon," pagsisinungaling nito.
"Ah, okay? Sige, ang tagal na rin kasing hindi kami nakakabalik sa Baguio," sagot na lamang ni Mia saka sila tuluyang sumunod.
Padilim na nang makalabas sila ng ospital. Nagtaka siya kung bakit sa sasakyan pa ng mga dating biyenan sila sasakay kung p
