LYKA
NAGISING ako na may matipunong braso ang nakayakap sa akin. Hindi ko mapigilan ang mapangiti nang sa pagdilat ko ng aking mga mata ay ang guwapong mukha ni Verex ang sumalubong sa akin. Katabi ko siya rito sa aking higaan at pareho kaming nakaharap sa isa’t isa. Sa mga nakalipas na taon, ngayon na lang uli ako nagising na ganito kasarap ang pakiramdam.
Ngayon na wala na kami sa gitna ng pagnanasa, mas naging malinaw na sa akin na mali ang aming ginawa kagabi. Ngunit wala akong makapa kahit kaunting pagsisisi sa aking puso.
God, please forgive me… Kung kasalanan man ang ibigin kong muli ang aking asawa.
Masiyado kong na-enjoy ang mainit na yakap sa akin ni Verex. Hindi ko namalayan na nakabalik pala ako sa pagtulog. Muli akong napadilat nang maramdaman ko ang maiinit na titig sa ak
