LYKA
PANANDALIAN kong kinalimutan ang tungkol sa mensaheng aking natanggap mula kay Fritz. Inintindi ko muna ang problema ko kay Pablo. Pagkatapos siyang kausapin ng kaniyang ama at lumabas ito ng silid ay kaming dalawa naman ang nag-usap. Bilang isang ina, hindi ko dapat pinapalipas ang ganitong paghihinampo ng aking anak. Kailangan kong gawan ng solusyon bago pa lumala.
“You don’t want to be with Nanay?” kunwari ay nagtatampo na tanong ko sa kaniya pagkatapos kong ipaintindi sa kaniya na mali ang kaniyang ginawang pagtalikod sa akin kanina habang kinakausap ko pa siya. “Hindi mo na ba love si Nanay?” dagdag ko pa sa malungkot na boses habang hinahaplos ang kaniyang buhok.
Malungkot din na tumingin sa akin si Pablo. “Hindi naman po sa gano’n, Nanay. Love ko po si Tatay at love ko din p
