LYKA
UNTI-UNTING pumatak ang aking mga luha habang dahan-dahan akong naglalakad papunta sa dulo ng aisle ng simbahan, kung saan ay naghihintay ang aking asawa. Nakahawak ako sa braso ni Tatang Isko na siyang nagsilbing ama ko sa pinaka-espesyal na araw na ito sa buhay ko. Suot ko ang aking puting bridal gown na sa France pa mismo ipinagawa ni Verex at isang sikat na fashion designer ang gumawa.
Ngayon ang araw ng aming kasal ni Verex dito sa simbahan. Isang buwan lang simula nang tanggapin ko ang kaniyang proposal at ipanganak ko si Baby Pauline. Ang gusto ko sana ay isasabay na namin sa magiging binyag ng aming bunsong anak. Ngunit hindi na nakapaghintay pa ang aking asawa. Masiyadong matagal pa raw iyon. Kahit sinabi ko na nga na kahit mga four months pa lang si Baby Pauline ay pabibin
