VEREX
HINDI na nagpahatid hanggang Maynila si Stella. Kaya na raw niyang mag-isa kaya sa airport ko na lamang siya inihatid.
Gustong-gusto ko bumalik ng bahay ni Lyka para makasama ko sila ng aking anak. Ngunit pinipigilan ako ng aking takot na baka hindi ko makayanan ang selos kapag nakita ko naman sila ni Fritz na sweet sa isa’t isa.
Maghapon na lamang akong nagkulong dito sa hotel na tinutuluyan ko. Pilit kong nilibang ang aking sarili sa panonood ng movie. Subalit hanggang ngayon ay hindi pa rin nawawala ang aking paninibugho. Sa bawat segundong lumilipas ay si Lyka ang aking naiisip, habang kasama niya ang kaniyang nobyo. Nag-aalala rin ako sa aming anak sapagkat alam ko na hindi niya ikinakatuwa na si Fritz ang kasama ng kaniyang ina at hindi ako.
Napagod na ang mga mata ko sa
