LYKA
PILIT kong pinapakalma ang aking sarili habang naghihintay dito sa labas ng ICU. Nasa loob ang aking anak at maraming ginagawa ng kaniyang mga doctor upang dugtungan ang kaniyang buhay habang naghihintay pa kami ng heart donor. Tinawagan na namin lahat ng puwede namang hingan ng tulong ngunit bigo pa rin kami.
Ngunit hindi pa rin ako nawawalan ng pag-asa. Dahil alam ko na patuloy na lumalaban si Pablo. Kaya hinding-hindi ko siya susukuan. Naniniwala ako na may awa ang Diyos at bibigyan Niya kami ng milagro kahit sa huling pagkakataon. Hindi ko na uulitin ang mga panahon na kinuwestiyon ko ang mga desisyon Niya sa buhay ko.
Habang naghihintay ng reply sa mga taong tinawagan ko para hingan ng tulong, naisipan ko munang bumalik sa chapel upang libangin ang aking sarili. Kahit ang tot
