LYKA
“HINDI ka ba sasama sa amin sa loob?” nagtatakang tanong ko kay Verex nang sabihin niyang babalikan na lang niya kami mamaya nang makarating kami rito sa labas ng sementeryo.
“Dadalawin ko muna si Mama,” sagot niya sa boses na puno ng kalungkutan. At saka siya dumukwang para tanggalin ang aking seatbelt. Bahagya naman akong lumayo nang magkalapit ang aming mukha. Nakita ko kasi ang nanunuksong tingin ni Stella nang mapatingin ako sa gawi niya.
In fact, kanina ko pa siya gustong kurutin sa singit. Late ko na kasi na-realize na sinadya talaga niya na mag-drama kay Pablo kanina para tumabi sa kaniya ang anak ko. At kami naman ni Verex dito sa unahan. I know exactly what she’s doing. Gumagawa siya ng paraan para magkalapit kaming muli ng tiyuhin niya.
But it’s too late. Dahil nakapag
