“GAANO ka na nakatagal naninirahan dito sa kubo mo? I mean, dito sa loob ng farm?” Naisipan ni Anne na pasimpleng usisain si Crisostomo tungkol sa ikinukuwento ni Mary Rose noon na may ibang tirahan daw ito at posibleng may asawa’t anak na, habang kumakain sila ng lunch dahil rest day nila pareho.
Wala man silang relasyon, gusto pa rin niyang makasiguro na wala siyang masasagasaang pamilya kapag naglandian silang dalawa. Dahil aminado si Anne na iyong nangyari sa kanila sa silid noong nakaraang linggo, malaki ang posibilidad na mauulit. Sa estado ng puso niya ngayon na parang unti-unti nang mahuhulog kay Crisostomo, mas lalong mahihirapan na siyang tanggihan ito. Ang hirap kayang labanan ng nararamdaman niya ngayon.
Pero mas mahirap kapag broken family. At iyon ang ayaw niyang maranasan
