CHAPTER 15:
SA BUONG PAGKAKAIBIGAN NAMIN NI Nora, ngayon lang ako nakatanggap ng isang malakas na sampal mula sa kaniya. Halos mamanhid ang kaliwang pisngi ko.
Marahan ko siyang nilingon, kumurap ang mga mata ko at bumungad sa akin ang nakakunot na noo niya.
"Tanga ka!" bulalas niya. "Hiwalayan mo na lang sana si Stefano kung lolokohin mo lang din siya! Ang bait-bait no'ng tao, e."
Kinagat ko ang pang-ibabang labi ko at unti-unting napahikbi. Bumigat ang dibdib ko nang dahil sa sama ng loob. Masama ang loob ko na sinampal niya ako!
"B-bakit ka umiiyak? Ginawa-gawa mo 'yan tapos ngayon iiyak ka?"
Iyong paisa-isang hikbi, mas lumakas na. Nanlaki ang mga mata niya at natatarantang hinawakan ang pisngi ko sabay punas ng mga luha kong tuloy-tuloy na nagbabagsakan.
"Hoy! Umiiyak ka ba dah
