Panay ang pagpindot ko sa cellphone ko. Noong isang araw ko pa kino-contact si Blake pero hindi na niya sinasagot pa ang mga tawag ko. Noong mga unang araw niya naman doon sa France ay tinatawag-tawagan pa niya ako. Okay naman siya kausap noon, ewan ko lang kung anong nangyari ngayon.
Natutuliro na ako kakaisip kung bakit hindi na niya sinasagot pa ang mga tawag ko. Masyado ba talaga siyang busy doon para hindi niya magawang sagutin man lang ako, at kausapin man lang kung okay ba siya doon.
Lagpas tatlong linggo na rin pero hindi pa rin umuuwi si Blake, Ang sabi niya sa akin bago siya umalis ay hanggang tatlong linggo lang naman ang itatagal niya sa ibang bansa. Wala naman siyang sinabi na aabutin pala siya doon ng mahigit apat na linggo na.
"Ma'am, Nariyan po ang kaibigan n'yo na si Ve
