Hindi nagtagal at umalis na rin si Gabriel dahil kinailangan na umano nitong magpaalam at panay na ang texts at tawag ng mga kaibigang naiwan nito sa party nito kaya kailangan na rin nitong bumalik roon.
"Ayos lang sa 'yo na ikaw na munang mag-isang maiiwan dito at magbabantay sa kapatid mo, Louisa anak?" tanong ng mama niya nang magpaalam din ito para kumuha umano muna ng ilang mga gamit para sa pananatili nila dito sa hospital na hindi nila alam kung hanggang kailan pa dahil hindi pa nagigising si Maui at kapag nagising na'y siguradong kailangan din nitong magpagaling muna at magpalakas bago mai-discharge.
Tumangu-tango siya sa kanyang ina. "Oho, ma."
"Huwag kang mag-alala at dadalian ko. Hindi ako magtatagal at babalik din kaagad ako dito. Alam ko namang pagod ka rin galing sa trabah
