Nang makaalis sina Alwin at Jetro ng alas-kuwatro ng hapon ay agad na din akong umalis ng opisina. Plano ko pa sanang pumunta ng boutique pero nawala na ako sa mood.
Sa halip ay naisip kong magdrive hanggang sa makarating ako sa dati naming tinitirhan nina nanay.
Bumili ako ng ilang packs ng biscuit at maiinom saka ako nagtungo sa covered court kung saan madami ang mga bata na naglalaro kapag ganitong oras.
Pagkapark ko sa tapat ng covered court ay sakto ding nakita ako ng mga kababata ko noon.
"Kumusta, Scarlet. Asensado ka na talaga ah," bati sa akin nina Teroy at Mona. Ngumiti ako sa kanila at sinabing tulungan nila ako na ibaba ang mga pinamili ko mula sa trunk ng sasakyan.
Agad naman akong dinumog ng mga bata habang nakalahad ang palad para humingi ng mga pagkain na mula sa
