***
Matapos ang madamdaming pagpaalam kay VP ay mabigat ang loob na tumungo ng isla Thalassina ang mag-asawang Paisley at Hervey. Masakit para kay Paisley na iwanan ang anak. Kahit sinigurado niyang mahigpit ang seguridad nito sa hacienda. Hindi pa rin siya mapakali.
Bilang isang ina, na laging kasama ang anak, ay mahirap para sa kanya na mapalayo sa anak. Ito ang unang pagkakataon na iiwanan niya ito ng matagal. Kaya hindi niya mapigilan ang malungkot at tahimik na mapaluha. Ilang oras pa lang siya sa isla ay nais na niyang umuwi. Nananabik na siya sa anak.
Lalo na at alam nilang delikado ang magiging misyon nila. Pinigilan siya ni Hervey na sumama ngunit hindi siya nakinig. Nais niyang siya mismo ang magliligtas sa ama.
Walang nagawa si Hervey kundi ang amuhin siya habang malungkot
