DANAYA
Nagtatalo ang isipan ko kung lalabas ba ako at haharapin si JC sa labas. Naririnig ko siyang kausap ang mga sundalong tauhan ni Romeo na nagbabantay sa labas ng bahay at nagpupumilit na kausapin ako, pero hindi siya pinagbigyan ng mga ito.
“Pasensya na talaga, sir. Pero hindi po kayo pwedeng pumasok sa loob!”
“Who are you to stop me?!” galit at malakas na sigaw ni JC sa sundalong kausap.
“Kapag nagpumilit ka, huhulihin ka namin, sir!” Narinig kong sagot at malakas ang tinig na banta ng sundalong kausap ni JC.
“Try it! And you'll know who the hell I am!” galit at matigas na sagot naman ni JC.
Napapikit ako dahil sa narinig ko. Hindi ko alam kung bakit nandito si JC at nagpupumilit siyang makausap ako, gayong wala akong nakikitang dahilan para puntahan niya ako dito.
Ayaw niya
