DANAYA
Mabilis kumalat sa buong baryo ang tungkol sa pagpapanggap naming dalawa ni Romeo. Pati ang kanyang mga tauhan ay naniwala rin sa aming palabas, kaya't pati sa akin ay naging magalang silang lahat dahil ang akala nila ay totoong asawa nga ako ng kanilang opisyal.
Parang normal lang din kay Romeo ang lahat. Malinaw naman ang usapan naming dalawa na magpapanggap lang kami, kahit may bahagi ng isipan ko ang tutol dito.
“Ate Dana, pinadala po ni Mama ito sa iyo.”
Inabot ko ang perang hawak ni Faye. Galing ito kay Ate Precy at pinadala sa account ni Aling Irma.
“Salamat, Faye.”
Kumuha ako ng limang libo at binigay ko sa kanya. Nahihiyang umiling si Faye at mabilis na tumanggi, pero inabot ko ang kamay niya at ibinigay sa kanya ang limang libo.
“Ang laki naman po nito, Ate Dana,” n
