JC
Dito sa labas ng operating room na ako inabutan ng mga magulang ni Danaya. Humahangos na dumating si Ninang Aubrey, kasama si Ninong Dexon, na ngayon ay masama ang tingin sa akin.
Tahimik kaming lahat habang nakaupo at naghihintay ng balita mula sa loob. Ilang oras na ang nakakaraan, pero hanggang ngayon ay nasa loob pa rin ang team ni Doktor Bragais at walang kahit isa sa kanila ang lumabas para kausapin kami, kaya wala kaming ideya kung kumusta na ang mag-ina ko at kung successful ba ang operasyon.
Habang tumatagal ang oras na lumipas, mas lalo akong nakakaramdam ng kaba dahil isang oras lang ang maximum duration ng cesarean operation, pero halos tatlong oras na ang nakaraan at hindi pa sila tapos sa loob.
Kahit hindi magsalita ang mga magulang ni Danaya, alam kong nag-aalala sila
