DANAYA
Nang nakaalis si Faye, narinig ko namang bumukas ang pintuan ng silid na ginagamit ni Romeo. Gising na rin pala siya at mukhang maaga ang alis niya ngayon dahil narinig kong pumasok siya sa banyo at hindi nagtagal ay naligo na.
Hindi niya napansin na gising na ako at narito sa sala, kaya pumasok ako sa loob ng silid ko at muling nahiga sa kama.
Kailangan kong mag-relax dahil kung ano-anong pumasok sa isipan ko ngayon. Mas grabe ang kirot na nararamdaman ko sa aking ulo kumpara kanina, kaya minabuti kong humiga muna at magpahinga.
Takot naman akong uminom ng gàmot, kaya pinilit kong makatulog. Nagtagumpay naman ako at naidlip, kaya tanghali na nang muli akong bumangon at lumabas ng silid ko.
Tahimik sa labas, kaya ang akala ko'y wala nang tao. Matapos maghilamos at magsipilyo,
