DANAYA
Madilim ang aura ni JC habang masama ang tingin at kuyom ang kamaong nakatingin siya kay Romeo. Parang walang pakiramdam naman sa paligid ang lalaking kasama namin at nakangiting humarap sa akin.
“Honey, ang akala ko ba’y pauuwiin mo na si Laxamana?” nakangiting tanong ni Romeo sa akin.
“Hindi ako uuwi hangga't hindi ko kasama ang mag-ina ko,” matigas na sagot ni JC.
Mukhang hanggang ngayon ay hindi pa rin siya kumbinsido na hindi nga niya anak ang batang pinagbubuntis ko.
“Sino'ng may sabi sa iyo na may anak ka dito, Laxamana?” mabilis na tanong ni Romeo sa kanya. “Baka nakakalimutan mo, asawa at anak ko ang narito sa bahay na ito.”
“Huwag na kayong magsinungaling dahil hindi ninyo mabibilog ang ulo ko!” Tumingin sa akin si JC, ganoon rin sa maumbok na tiyan ko.
“Kahit anon
