DANAYA
Tuwang-tuwa ang aking anak habang mabilis na tumatakbo si Ate Sofie at yakap siya palabas ng bahay. Ang akala siguro niya ay naglalaro kami dahil nasa likuran nila ako at hinahabol ko sila.
Sa garden ko naabutan si Ate Sofie, pero hindi ko inaasahan na tatalon siya sa swimming pool.
“Come here, Danaya!” pasigaw na utos niya sa akin, kaya tumalon na rin ako at lumapit sa kanya.
“Wala na tayong oras, hawakan mo ang anak mo,” muling utos sa akin ni Ate Sofie.
Naglulumikot kasi ang anak ko dahil malamig ang tubig at nagulat siya sa biglang pagtalon ni Ate Sofie sa pool, kaya nabasa siya.
May hawak na gunting sa kanang kamay ang pinsan ko at mabilis na itinaas ang damit na suot ng anak ko.
“Shìt!”
Napatingin ako kay Ate Sofie nang marinig ko siyang nagmura habang nakatingin sa ti
